Skip to main content
Тэнэглэл ба элийрэл

Хорвоо ертөнц жамаараа эргэсээр. Хөх тэнгэр гэрэлт нарын доор хүн төрөлхтөн бид амьдарсаар, оршсоор л... Гэхдээ хэрхэн оршиж байна вэ? Бодит ертөнцөд хэр ойр оршиж байна вэ? Би гэдэг хүн би дотроо цаашилбал өөрийн төсөөлөл, бодолдоо гүн уусаж дотоод ертөнцдөө живсээр энэ ертөнцөд хэрхэх учираа олохгүй. Бухимдсаар, шаналсаар, гомдолсоор өдөр хоног, цаг хугацааг ардаа орхисоор л...
Өнөөдөр миний үзэл бодол, төлөвшил минь хэн нэгний хувьд тэнэглэл болж хувирдаг. Бичиж суугаа маань элийрэл болж хувирдаг. Худал хуурмаг, утга учиргүй жүжиг тоголсоор хөөрхий би ч, тэр ч, тэд ч залхаж гүйцлээ. Орчлонд хүн жүжиглэх гэж ирээгүй ээ. Орчлонд хүн бүжиглэх гэж ирээгүй. Орчлонд хүн амьдрах гэж ирсэн юм. Элийрэх цаг бидэнд цөөн ч тэнэглэх цаг их байна. Бухимдаад, уурлаад, уцаарлаад, шаналсааар, гомдолсоор, гацаардсаар хайран цаг хугацааг үрж орхив доо та бид.

У.Ганбаяр

Comments

Post a Comment

Popular posts from this blog

Хайрын талаар товчхон

Бид хайрлаж дурлаж, шохоорхож эцэст хайрлаж эхэлдэг. Гэхдээ бидний болоод тэдний дурлал сохроор эхэлдэг. Ямар ч хэмжүүр үгүй, ямар ч зорилго үгүй, ямар ч утга төгөлдөр зүйлгүй. Зүгээр л бие биедээ наалдах нь тэдний зорилго мэт. Уул нь хайр гэдэг зүйл тэр чигээрээ гэгээлэг зүйлийг илтгэдэг атал орчин үед хамгийн л тансаг, хамгийн эрх мэдэлтэй нэгнээр илэрхийлэгдэх болж. Сайхан машин, эсвэл байр, эсвэл эрх мэдэлтэй байхад эмэгтэй нь ч, эрэгтэй нь ч түүнд өөрийгөө зориулахад бэ лэн мэт. Хэт материаллаг сэтгэлгээ хүнийг мозохист болгоод байна уу? даа гэж хааяа бодох юм.
Post a Comment
Read more

Түүнд...

Гомдохгүй, шаналахгүй, гутрахгүй, харамсахгүйгүйгээр сэтгэл өөдөө алханаа. Амьдралд заримдаа тэвчээд өнгөрөх үе байдаг бол одоо л тэвчье. Мартана гэсэн итгэлгүй ч тэвчинэ гэсэн итгэлтэй байна. Сэтгэлээсээ би уучлалт хүсье. Сэтгэлээсээ би өөрөөсөө уучлалт хүсье. Хайрлах тэр их хүсэл минь бас халамжлана гэсэн тэр их сэтгэл, итгэл минь бүлээн нулимс, зангирсан хоолойтой хамт сэтгэлийн гүнээс гүнд дурсамж болон үлдэхэд бэлэн болжээ. Сэтгэл зүрхтэй, итгэл зүтгэлтэй, тэвчээр ха туужилтай болгож чадсан тэр нэгэн хүнд баярлалаа. Сонголт өөрөө сэтгэлийнх байдаг учир би хэзээ ч үгүйсгэхгүй ээ. Сэтгэл зүрх хэзээ ч худал хэлдэггүй юм. Тиймээс миний хэлсэн үгс бүрийг, чиний төлөө хийсэн дутуу дулимаг сэтгэл бүгдийг мартдаа. Хэзээ ч харамсахгүйгээр, аз жаргалтайгаар зүрх сэтгэлийнхээ сонголтонд үнэнч амьдраарай. ‪#‎ Гуниглаагүй_зүгээрлБодолдооЖингүүдэжБайна‬
Read more

Хайр чи...

Хайр чи... Хайр чи... хамаг бодлыг минь үймүүлж хаячаад  Харвах одтой хамт явчихдаг.  Хайр чи... хөөрхий зүрхийг минь сийчиж хаячаад  Хэний ч мэдэхгүй газар луу явчихдаг.  Хайр чи... хамгаас нандин бүхнийг өгнө гэчээд  Хамгийн хатуу бүгдийг өгөх юм. Хайр чи... Будран орох цас Хайр чи ... Шиврэн орох бороо Хайр чи... Сэтгэлд мандах нар Хайр чи... Сэвэлзэх салхи Хайр чи... Хамгийн том айдас Хайр чи... Хамаг сэтгэлийн шарх Хайр чи... Хамгийн гүн төсөөлөл Хайр чи... Хан хорвоогийн хамгийн сайхан аялгуу Хайр чи...Хамгаас нууцлаг тэр л ертөнцөд орших  Хамгийн агуу мэдрэмж . 2013.10.29 Хүндэтгэсэн: У.Ганбаяр
Post a Comment
Read more