Фэйсбүүкийг өмөөрөх нь....
Би хэн нэгнийг бусадтай адил муулж, үгүйсгэж, шүүмжилж чадна л даа. Гэхдээ би тэгэхгүй. Харин би ямар нэг зүйлийг өмгөөлхийг хүслээ. Ерөөсөө шууд өмгөөлөхөөр шийдлээ. Хүн төрөлхтөн гэж их сонин шүү. Шинэ шинэ нээлт шинэ шинэ бүтээлүүдийг хиййсээр байгаа ч хэсэг хугацааны дараа түүнийгээ үгүйсгээд эхэлдэг. Ямар ч зүйлийг. Заримдаа бүр түүхийг хүртэл үгүйсгэдэг шүү. Жишээ нь фэйсбүүк буюу нүүрний номон дээр жишээ авж үзье. 2009 онд анх фэйсбүүк гарч ирж Хүн төрөлхтөн биднийг шуугиулж ирсэн. Бараг дэлхий дээрх хамгийн агуу бүтээл болж байсан бол өдгөө хамгийн аюултай, хамгийн хэрэггүй, хамгийн муу зүйл болон хувирч байна. Бүх л хүмүүс фэйсбүүк шиг хэрэггүй уйтгартай, залхмаар адгын юм алга гэж байна шүү. Фэйсбүүк хамаг цагийг нь үрж, хамаг биеийг нь хөшөөж ядаргаанд оруулж, өвчиний үүр болж байна гэх юм. Нүдийг нь өвтгөж, гэмт хэргийн хохирогч болгож, амьдралыг нь үрэн таран хийсэн гэх юм. Хэрвээ Фэйсбүүк хүн байсан бол Хамгийн аймшигтай хүн байх байжээ. Тэр бүх муу зүйлийг хийж чаддаг. Гэхдээ фэйсбүүк бол хүн биш. Бүр ямар ч гэм зэмгүй, цагаахан, хамгийн агуу, бас хамгийн энгийн бүтээл. Хүний бүтээл. Тиймээ хүний бүтээл. Тэгхээр энэ бүх зүйл хүнтэй л холбоотой. Хүмүүс бид өдөр тутмын асуудлаа өөртөө биш өрөөлд тохохыг хүсдэг. Тэд фэйсбүүкийг өөрсдөө бүтээсэн. Өөрсдөө үүнийг сонгосон. Тиймээ хүн л энэ бүгдийг хийдэг. Тэд бүтээдэг. Үйддэг. Тэд өөрсдөө өөр өөрийгөө хохироож байдаг. Харин Фэйсбүүк бол ямар ч буруугүй харин ч буянтай шүү. / Хүнээс зааглаад үзвэл/ Хүмүүс бол зөвхөн ашиглаж байдаг. Фэйсбүүк харин ч таны үгийг сайн сонсдог. Тэр гунигтай үед чинь статус дээрээ бүхий л гомдолыг чинь авч Хэцүү үед чамтай ярилцдаг. Уйдсан үед инээлгэдэг. Ганцаардсан үед чинь хань болдог. Ийм л ач тустай нүдэнд үл харагдах, гарт үл баригдах зөвхөн сэтгэл болон сэтгэхүйд мэдрэгдэх тийм л нэгэн ачтан. Тиймээс фэйсбүүкээ битгий буруутга. Түүний оронд өөртөө анализ хийгээд үз. Хэр их цагыг фэйст зарцуулах, юу хийх, ирээдүйд ямар зорилгоо биелүүлэх, ямар хүн болох, ямар амдралтай болох гээд энэ бүгдийг та л өөрөө л шийддэг. Тиймээ та өөрөө. Харин Фэйсбүүк шийддэггүй юм шүү. Та л амьдралаа бүтээгч нь. Та л сонголт хийх тийм их азтай хүн. Яагаад гэвэл таньд ухамсар, оюун ухаан, сэтгэхүй байна. Тиймээс фэйсбүүктээ бүү гомд. Түүнд бүү буруугаа чих. Хэрвээ фэйсбүүк хүн байсан бол хамгийн түрүүнд таньд л гомдох байсан.
2014.05.26
Хүндэтгэсэн У.Ганбаяр